Air,—" Forneth house."
May, 1806.
NOW winter, wi his cloudy brow,
Is far ayont yon mountains,
And spring beholds her azure sky
Reflected in the fountains.
Now, on the budding slaethorn bank,
She spreads her early blossom,
And woos the mirly breasted birds
Tae nestle in her bosom ;
But lately a was clad wi snaw,
Sae darksome, dull, an dreary,
Now lav'rocks sing tae hail the Spring,
An Nature all is cheery.
Then let us lea the toun, my love,
An seek our country dwelling,
Whar waving woods, and spreading flow'rs
On ev'ry side are smiling.
We'll tread again the daisied green,
Whar first your beauty mov'd me ;
We'll trace again the woodland scene,
Whar first ye own'd ye lov'd me.
We soon will view the roses blaw,
In a the charms o fancy,
For doubly dear these pleasures a,
When shar'd with you, my Nancy.
This song first appeared in the Glasgow Nightingale of 1806, page 153. See first Note to No. 13.—Ed.
[Semple 72]